كشفت الفنانة الشابة سارة عبدالرحمن بطلة مسلسل "سابع جار" أن إطلالتها الأخيرة في مهرجان الجونة السينمائي في دورته الثانية والتي تعرضت لانتقادات لاذعة، صنعت بالكامل من أكياس البلاستيك المعاد تدويرها، موضحًا أن ملابسها تابعة لعلامة تجارية مصرية تعمل على تصنيع منتجاتها من البلاستيك لنشر الوعي للحفاظ على البيئة.
وكتبت "سارة" عبر صفحتها الرسمية بموقع "فيسبوك": "مصر بتنتج ١٢ مليار كيس بلاستيك في السنة. و ١-٥ ٪ من العدد دة بس بيعاد تدويره.. الباقي بيفضل مدة طويلة في قوالب القمامة و مع الشمس بيطلع مادة سامة اسمها الميثان اللي بيضر الانسان و بيجبله امراض منها السرطان. أو بيستقر في البحر او الصحرا عشان يهدد الثروة الحيوانية، في الغردقة مثلا شعب مرجانية بتموت و تتدمر بسبب الأكياس البلاستيك. القمامة كارثة محتاجين نعرف عنها أكتر عشان نبتدي نعمل أي حاجة تنقذ الموقف زي مثلا إعادة التدوير".
وأضافت: "حاجة زي كدة اكيد مش هاتتحل بين يوم و ليلة و اكيد برضه مانعرفش نمشي بالشكل الperfect عشان نصلحه بس اهو بنحاول ناخد خطوات صغيرة.
فمبسوطة اقول ان اللي انا لابساه دة معمول من ٣٠ كيس بلاستيك مُعاد تدويرهم. Upfuse براند مصري بيصنع شنط من أكياس البلاستيك كمشروع ينشر الوعي للحفاظ على البيئة. هما عادة بيصنعوا شنط لكن رحبوا بفكرة تنفيذ التوب دة مخصوص، اللي صممته الموهوبة جدا إزميرالدا رضوان @esmeraldaradwanofficial
و اللي صنعوا الخامة نفسها هما سيدات منشية ناصر اللي من خلال upfuse بيكون عندهم دخل ثابت يحميهم من شغلانة فصل القمامة المسببة لأمراض كتير زي التيتانوس. و وكالة الستايلينج اللي ساعدتني في تصميم اللوك هي new blood. اللينكات لكل حاجة في أول كومنت. شكرا دنيا صدقي على المكياچ و شكرا ل أحمد أشكر و محمد حامد للصور".
by via الفجر الفني
Enregistrer un commentaire